謀定而後動，知止而有得

由細到大，計劃對我來說是一件極為困難嘅事情，不外乎三個理由:

1. 無從入手
2. 制定相關計劃令我倍感壓力
3. 懶

順其自然一直係我嘅人生哲學，回顧返其實以前身邊有好多人間接地提我去計劃好自己，只怪當年自己係極度fixed-mindset，錯過咗好多，明白到順其自然係面對結果時嘅心理準備，而唔係用於規劃人生上




比較深刻嘅一次係當年補習老師講過如何制訂學習計劃，要mark實自己做過咩，睇下個目標同自己所做嘅有幾大落差，自問當時我認為用自己嘅讀書方法都照可入大學，當然冇理到，結果上到大學開始失去學習動機，直至認識ex先的起心肝重新攞起本書。

受到ex啟發，開始有個小小嘅concept map, 但係未有 實質同準確嘅目標，開始睇不同嘅書、文章、節目，但係雜亂無章咁接收資訊，就好似下張圖咁，乜X都做唔完。於是下定決心，寫低自己嘅小小to-do list.

三是近期嘅社會事件，令我明白到隨波逐流只會受人擺佈。記得細個聽過一個故仔(唔記得source了) ，有個人想要對鞋，個鞋店老闆問佢二揀一要邊對，佢諗到太陽落山都未有決定，老細就決定無每樣執一隻比佢。選擇權在人地手上，自己只能成為砧板上的肉。唯有計劃好自己，先可以搶返自己嘅選擇權，逃出生天！

2020 年第一個目標係學好西班牙文, 攞張 Nivel A1 Cert 返黎，以此blog 和 readers (如果有嘅話)為證。



References:
1. Fixed Mindset & Growth Mindset by Carol S. Dweck, P.H.D
2. CommitStrip.com